早前承认曾向组合O.M.G成员、旧爱黄芊咏（Cherie）动粗的艺人周永恒（Roy），于凌晨时分与一男一女现身中环某茶餐厅食宵夜。 食到约一小时后，烟瘾起的Roy急急脚起身，单拖走到附近便利店买烟，买到「心头好」的他更第一时间点烟，边行返茶餐厅边扯烟。此时，沉醉于扯烟的他终发现有传媒拍照，起初他表现有点惊讶，他定一定神后才向记者展露笑容。未知他是否跟友人诉心声，一行三人「吹水」吹至零晨三时也未离开。 周永恒（Roy）同女子组合O.M.G成员黄芊咏（Cherie）之前相恋8个月屡传分手，期间更传出两人曾发生肢体衝突，可是两人多次否认，更齐现身公开活动晒恩爱以行动辟谣，但「纸包不住火」，Cherie接受电话访问时，亲口承认和Roy于7月底分手，分手原因是性格不合致经常为小事发生争执。 Cherie说分手是由Roy提出，对方已搬出同居爱巢，她说：「我哋呢几个月成日因小事离离合合，我觉得好难再一齐落去，但佢依然系我合作伙伴，见面唔会尴尬。」问到有传Roy向她「郁手郁脚」，她否认此事。问到两人之间的最大问题？她坦言Roy未跟分居太太赵颂茹搞清楚离婚手续是分手原因之一，她说：「系我心中一条刺，我介意被背上『小三』之名，我知外界唔睇好我的，预咗畀人话我抵死?啦。」 Roy在电话访问中表示和Cherie是处于「分啲唔分啲」阶段：「其实我的都未倾清楚。」不过他承认和Cherie之间有很多问题，很多时在工作上，两人意见上出现大分歧，他说：「佢做嘢好混乱，觉得佢智力同纪律有问题，我好似凑女咁辛苦，我要凑都凑信希同爱希（Roy女儿）啦。」他又指Cherie经常「一时一样」，似患「人格分裂」症，他说：「怀疑佢有情绪问题，抑鬱症之类，其实呢啲好似伤风、感冒咁啫，我之前都有呢个问题，食药、睇医生就会好番?啦。」问为何不带她看医生？Roy说有叫她，不过Cherie「不愿意」。 分手后的两人现时都已另结新欢，其中Roy结识了现年30岁、名为Britni的内地女子，而Cherie就有富二代新欢，但分手以来Cherie仍不时在Facebook大呻失恋之痛，更在Facebook发文：「周永恒我严重警告你，唔好再话我骚扰你啊！先撩者贱啊！」发文获不少圈内及圈外人留言，当有人劝交时，Cherie竟留言：「打我佢无错？」歌手曲赤亦搭爹拨火留言「佢真系太过份啦！」惟此发文在数小时后已被删走。 对于被指曾打人，Roy接受电话访问，由否认变承认曾两次「兜巴星」Cherie，更大爆内幕原因：「第一次系因为佢滥用药物，见佢喺张床好辛苦，所以掴咗佢几巴，希望可以掴醒佢。而第二次系同佢喺大陆返嚟香港，佢话有个老板问佢价，愿意出一万，我身为佢经理人同男友，我听到之后好嬲，为咗想阻止佢，所以就掴咗佢几巴。（担心被告打人？）唔怕，我打佢系有原因，牧师都知呢件事，有人证物证俱在，点解佢唔讲我打佢嘅原因？」他续爆其实女方都有打他：「有次我录音，佢突然发狂，扯到我件衫烂左，又抓我心口，依家条痕都仲喺度，系永不磨灭！」 对于Cherie的指摘，Roy对此反击指女方分手后仍不断性骚扰他，多次想约他进行亲密行为，多次留言：「我想XX」、「我想同您XX」和「衰人我挂住您呀」，Roy说：「依家边个骚扰边个呀？分咗手后我已经block晒佢啲联络方法，但因为换唔切电话，所以先仲有SMS。佢成日凌晨四、五点打畀我，仲叫我同佢发生亲密关系，唔该佢尊重自己啦！我哋曾经爱过，佢事业都有理想，所以我同佢解咗经理人合约都仲介绍job畀佢，但可能因为咁令佢误会我仲锺意佢。其实我都忍佢好耐，佢不停搵我，成日send啲性感相同咸湿说话嚟，我一直都唔覆佢，因为好惊影响到依家女朋友。」 他续谓新女友曾找过Cherie：「因为Cherie不停骚扰我，搞到我抑鬱症复发，我仲梦过佢用车车死我，既然佢主动add我依家嘅女朋友，所以女朋友先主动话打畀佢倾吓，我依家系希望佢可以放低件事。」 Roy亦大爆与Cherie分手第四日，对方已告知他认识了新男友：「我祝福佢，希望佢有新发展，我都识到依家呢个女朋友，佢比较成熟，唔系嗰啲成日要去兰桂坊饮酒嘅人。」他大讚女友Britni很好，不爱钱亦不想出名，亦谓他俩正为对方努力改变：「我依家淨系希望可以平静拍拖，唔想再喺呢个四角关系兜转，我曾经贱格过，依家只想重新做人。」 而记者亦有联络Cherie，她透过电话表示不想再跟Roy有任何关连：「如果佢再搞我，我就叫埋朋友去报警帮我做人证，告佢之前点打我。（佢话你疑滥用药物？）你同佢讲心照啦，依家一齐去验尿。（你畀人疑问价？）佢永远唔听人解释，人哋想包我系人哋嘅事，点解系我问题？（佢话有原因先打你？）我本身之前都同传媒讲佢冇打我，结果唔知点解会变咗帮佢讲大话都系理所当然咁，如果有原因就可以打人，咁警察唔使做啦。」 不过，国庆期间Roy就喺Facebook上载咗自己染咗髮嘅新相，仲留咗歌手梁奕蓝嘅《喜欢自由》其中一句歌词：「抱了你太久，清楚你从来喜欢自由，还在拖手，全为了不想彼此内疚，爱侣间欠缺热情难补救，恳请你自首。无谓再挽留我但却每晚出走。」难道佢同新女友又出现暗涌？